50 gün əvvəl qəzaya düşən qadın öldü - FOTO

Bakıda avtomobil vurması nəticəsində komaya düşən qadın 50 gün sonra dünyasını dəyişib.

Avtosfer.az xəbər verir ki, yol qəzası mayın 17-də Nəsimi rayonu Kövkəb Səfərəliyeva küçəsində baş verib.

Həmin gün saat 12 radələrində Elmin Əsgərov adlı sürücü “Toyota Prius” markalı avtomobilini arxa-arxaya hərəkət etdirərkən yolu keçən Bespalova Yevgeniya Borisovnanı vurub. Ağır kəllə-beyin travması alan qadın koma vəziyyətində xəstəxanaya yerləşdirilib. Tibbi yardıma baxmayaraq o, iyulun 6-sı Yeni Klinikada vəfat edib.

Qeyd edək ki, Yevgeniya Bespalova mədəniyyət sahəsində fəaliyyət göstərirmiş.

Qafqazinfo