59 yaşlı kişini maşın vurdu

Göygöldə piyadanın vurulması ilə nəticələnən yol nəqliyyat qəzası baş verib. Avtosfer.az APA-ya istinadən xəbər verir ki, hadisə iyulun 14-də Göygöl rayonun girişində, Şərab zavodunun yanında baş verib. Zavodda gözətçi işləyən Göygöl rayon Topalhəsənli kənd sakini, 1956-ci il təvəllüdlü Eldar Kərimov yolu keçmək istəyərkən naməlum avtomobil tərəfindən vurulub. Yaralı dərhal Gəncə şəhər Təcili Tibbi yardım xəstəxanasına yerləşdirilib. Onun vəziyyətinin orta ağır olduğu bildirilir.

Faktla bağlı Göygöl rayon Polis Şöbəsində araşdırma aparılır.