ABŞ-da kimyəvi maddə daşıyan maşın qəzaya düşdü, 5 nəfər öldü

ABŞ-nin İllinoys ştatının mərkəzində bir neçə avtomobilin iştirakı ilə yol qəzası baş berib.

Bu barədə NBC telekanalı məlumat yayıb.

Qəza nəticəsində yük maşınından ammonyak sızıb və beş nəfər ölüb.

Hadisədə beş nəfər isə yaralanıb.

Təxminən 28 min litr kimyəvi maddə daşıyan yük maşını toqquşmadan sonra aşıb və nəticədə təxminən 15 min litr ammonyak sızıb.

Ərazidən 500-ə yaxın insan təxliyə edilib.(apa)