ABŞ-ın “F-16CM” tipli qırıcı təyyarəsi qəzaya uğradı; pilot ölüb

ABŞ Hərbi Hava Qüvvələrinə məxsus “F-16CM Fighting Falcon” tipli qırıcı təyyarə qəzaya uğrayıb. Avtosfer.az xəbər verir ki, hadisə iyulun 1-də səhər saatlarında Cənubi Karolina ştatında qeydə alınıb. Bu barədə Şou aviabazasının rəsmi “Facebook” hesabından məlumat verilib.

Məlumata görə, Şou aviabazasından, təlim-məşq uçuşu üçün havaya qalxan təyyarə bir müddət sonra radarlardan itib.

Bildirilir ki, göyərtədə 1 pilot olub və o, katapult edə bilməyərək dünyasını dəyişib.

Qeyd edilir ki, onun adı, ailəsi baş vermiş hadisə ilə bağlı məlumatlandırılmayana qədər açıqlanmayacaq.

Qəzanın baş vermə səbəbləri araşdırılır.

Namiq Musayev