Abşeronda 21 yaşlı gənc qızı avtomobil vurub

Abşeron rayonunda gənc qızın xəsarət alması ilə nəticələnən yol-nəqliyyat hadisəsi baş verib.

Hadisə rayonun Masazır qəsəbəsində qeydə alınıb. Avtomobil yolu keçən 2001-ci il təvəllüdlü Həsənova Şəhanə İsmixan qızını vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sağ incik sümüyünün yerdəyişən sınığı diaqnozu qoyulub.

Hadisənin təfərrüatı araşdırılır. (Report)