Abşeronda yük maşını taksinin üzərinə aşıb - FOTO

Abşeron rayonu Masazır qəsəbəsində yol qəzası baş verib.

Avtosfer.az xəbər verir ki, qəza Mazasır dairəsində qeydə alınıb.

Belə ki, dairədə “MAN” markalı yük avtomobilinin sürücüsü idarəetməni itirərək maşının qoşqusunu aşırıb.

Həmin vaxt parelel hərəkətdə olan “Toyota” markalı avtomobil qoşqunun altında qalıb.

Qəza nəticəsində “Toyota”nın sürücüsü xəsarət alıb.

Hadisə şahidlərinin köməkliyi ilə sürücü avtomobildən çıxarılaraq xəstəxanaya çatdırılıb.

Faktla bağlı Abşeron Rayon Polis İdarəsinin əməkdaşları araşdırma aparır.

apa