Bakıda ağac maşının üstünə aşdı, yolda hərəkət dayandı - FOTO

Bakının Nərimanov rayonunda iri ağac gövdəsi minik avtomobilinin üstünə aşıb.

Hadisə Heydər Əliyev prospekti ilə Həsənoğlu küçəsinin kəsişməsində qeydə alınıb.

Bakı Şəhər Dövlət Yol Polisi İdarəsənin baş inspektoru polis mayoru Araz Əsgərli Avtosfer.az-a bildirib ki, ağacın aşması nəticəsində yolun bir hissəsində hərəkət dayanıb: "Adiyyəti qurumlara hadisə ilə bağlı məlumat verilib. Yolda hərəkətin təhlükəsizliyini təmin etmək üçün əməkdaşlarımız hadisə yerindədir”.

A.Əsgərli qeyd edib ki, sabah havanın küləkli olacağı barədə xəbərdarlıq edilib: "Bu səbəbdən də vətəndaşlar küləkli havada hündür plakatların,ağacların altında avtomobil saxlamasınlar, həmin ərazilərdə hərəkət etməsinlər: Təhlükəsizliklərini təmin etmək üçün ikitəkərli nəqliyyat vasitələrindən istifadə edən vətəndaşlar, həmçinin yük avtomobillərinin sürücüləri da küləkli hava şəraitini nəzərə alsınlar.