Ağdamda ağır yol qəzası, ölən var

Ağdam rayonunda yol nəqliyyat hadisəsi baş verib. Qəza Qaradağlı- Əhmədağalı yolunun Sarıcalı kəndi ərazisində olub. Ağdam rayon Polis Şöbəsindən anspress- ə verilən məlumata görə, Əhmədağalı kənd sakini Qalib Abbas oğlu Sadıqov idarə etdiyi 90-LM-295 dövlət nömrə nişanlı, “Mercedes” markalı minik avtomobili ilə yüksək sürətlə hərəkət edərkən Sarıcalı kəndi ərazisində ağaca çırpılıb. Fövqaladə Hallar Nazirliyinin Qarabağ Regional İdarəsinin xilasediciləri Qalib Abbasovu deformasiyaya uğramış maşından çıxararaq Sarıcallı kəndi ərazisindəki hərbi hospitalın təcili tibbi yardım maşınına qoyublar. Lakin Q. Abbasov xəstəxanaya aparılarkən yolda keçinib. Faktla bağlı Ağdam rayon Polis Şöbəsində araşdırma aparılır.