Ağdaşda "Mercedes" "07" ilə toqquşub – 4 yaralı, 1 ölü

Noyabrın 30-da saat 13 radələrində Ağdaş rayonunun Qəsil kəndi ərazisində yol qəzası baş verib. Avtosfera.az-ın əldə etdiyi məlumata görə, rayon sakinləri C.Cabbarovun  “Mercedes”, R.Həmidovun isə idarə etdiyi “VAZ-2107” markalı avtomobillər toqquşub.

Nəticədə, R.Həmidov və 3 sərnişini xəstəxanaya yerləşdirilib. R.Həmidovun həyat yoldaşı Bahar Həmidova orada ölüb.

Faktla bağlı Baş İstintaq və Təhqiqat İdarəsi tərəfindən araşdırma aparılır.

Nəzrin