Ağır qəza: "Zaman-Azərbaycan" qəzetinin əməkdaşı öldü - FOTO

Bakının Binəqədi rayonunda sürücünün ölümü ilə nəticələnən ağır yol nəqliyyat hadisəsi baş verib. Avtosfer.az-ın FHN-nin saytına istinadən verdiyi məlumata görə, “VAZ” markalı minik maşını rayon ərazisində yolayırıcı səddə çırpılıb. Hadisə yerinə dərhal Fövqəladə Hallar Nazirliyinin müvafiq xilasetmə qüvvələri cəlb olunub. Hadisə yerində əməliyyat şəraiti qiymətləndirilərkən məlum olub ki, sürücü 1986-cı il təvəllüdlü Əsədullayev Cavid Əhməd oğlu hadisə yerində vəfat edib. Xilasedicilər C.Əsədullayevin cəsədini deformasiyaya uğramış avtomobildən çıxarıb və aidiyyəti üzrə təvil veriblər. Əməliyyat saat 02:25-də başa çatıb.

Qeyd edək ki, 29 yaşlı Cavid Əsədullayev "Zaman-Azərbaycan" qəzetinin əməkdaşıdır. Qəzetin baş redaktoru Anar Qaraxancallı APA-ya açıqlamasında bildirib ki, o, "Zaman-Azərbaycan" MMC-nin yayım şöbəsinin poçtalyonu olub.