Ağır qəzada yaralanan 5 nəfərin kimliyi bəlli oldu, aralarında zabit də var – YENİLƏNİB

Avtosfer.az kəpəztv–yə istinadən xəbər verir ki, Bakıdan Gəncə istiqamətində hərəkətdə olarkən "VAZ 2107" markalı avtomaşın anidən idarəetmədən çıxıb. Avtomobil yol kənarındakı səkilərə çırpılaraq aşıb. Gəncə şəhərinin girəcəyində, Nizami məqbərəsinin yaxınlığında baş verən hadisə nəticəsində 5 nəfər: Goranboy Həmərli kənd sakinləri - sürücü, 38 yaşlı Vüqar Əliyev, sərnişinlər, 23 yaşlı Elşən Hüseynov, 52 yaşlı Adil Mirzəyev,  22 yaşlı Ariz Hüseynov,  22 yaşlı İsaq Tağıyev xəsarət alıblar. Qeyd edək ki, İsaq Tağıyev N saylı hərbi hissənin zabiti olub. Onlar təcili tibbi yardım maşınları ilə Gəncə Şəhər Təcili Tibbi Yardım Xəstəxanasına çatdırılıblar. Həkimlərin verdikləri məlumata görə, hər 5 yaralının vəziyyəti orta ağırdır. Hadisənin səbəbləri araşdırılır.