Ağır yol-nəqliyyat hadisəsi: Hər iki avtomobildəki valideyn və uşaq öldü

Yüksək sürətlə hərəkət edən avtomobillər bir-birinə çırpılaraq ağır yol-nəqliyyat hadisəsinə səbəb olublar.
Avtosfer.az xəbər verir ki, dəhşət doğuran qəza Almaniyada qeydə alınıb. Görüntülərdən məlum olduğu kimi, “Renault Megane” markalı avtomobil “Opel” markalı avtomobillə toqquşub. Qəzanın baş verməsinə səbəb hər iki avtomobilin yüksək sürət həddi ilə hərəkət etmələri olub. Nəticədə “Opel”ə yüksək zərbə ilə dəyən “Megane” yoldan çıxıb və hər ikisi sıradan çıxıb. “Opel” əzilərək tamamilə tanınmaz vəziyyətə düşüb, həmçinin avtomobildə olan sürücü azyaşlı oğlu ilə hadisə yerindəcə keçinib. İşin təəccübləndirən qismi isə, sürətdə bir-biriylə yarışan maşınların hər ikisində də valideyn-uşaq ölümünün baş verməsi olub. 

Nərmin