Ağstafada iki avtomobil toqquşdu: xəsarət alanları aparan təcili yardım maşını da qəzaya düşdü - FOTO

Ağstafada yol qəzası baş verib.

Rayonun Aşağı Göycəli kəndində "VAZ 2106 "ilə "Toyota Camry" toqquşub. Yaralıları aparan "QAZel" markalı təcili tibbi yardım avtomobili isə "Opel" markalı minik maşını ilə toqquşub.

Yol qəzasında 6 nəfər xəsarət alıb.

Xəsarət alanlar 1989-cu il təvəllüdlü Məhərrəmova Şəhla Vilayət qızı, 1961-ci il təvəllüdlü Məmmədova Sülhiyyə Camal qızı, 1984-cü il təvəllüdlü Məmmədov Nəbi Cümşüd oğlu, 2013-cü il təvəllüdlü Məmmədov Cümşüd Nəbi oğlu, 2016-cı il təvəllüdlü Məmmədov Tunar Nəbi oğlu, 1982-ci il təvəllüdlü Nəsibov Vüsal Yusif oğludur.

Xəsarət alanları xəstəxanaya aparan təcili tibbi yardım avtomobili Ağstafa şəhərindəki Bayraq Meydanının qarşısında qəzaya düşüb.

Xəsarət alanlar başqa təcili yardım avtomobili ilə xəstəxanaya aparılıb.

Faktla bağlı araşdırma aparılır.