Şamaxıda ağır qəza: “Mercedes” 3 dəfə fırlanaraq dərəyə aşdı - VİDEO

Şamaxı-Çöl Göylər-Padar avtomobil yolunda ağır yol-nəqliyyat hadisəsi baş verib. 

Avtosfer.az-ın məlumatına əsasən, qəza hadisəsi dünən səhər saatlarında qeydə alınıb.

Görüntüdən aydın olduğu kimi, 90-UF-893 qeydiyyat nişanlı, “Mercedes”markalı maşın yoldan çıxaraq üzü üstə aşıb.

Dəhşətli qəzanın baş verməsinə səbəb sürət həddinin yüksək olması bildirilib. Belə ki, sürət həddini aşan sürücü idarəetməni itirərək avtomobili çökəkliyə salıb. Ana yoldan çıxan avtomobil 3-4 dəfə fırlanaraq dərəyə düşüb.

Nəticədə nəqliyyat vasitəsi tamamilə sıradan çıxıb, Fərhad adlı gənc sürücü xəstəxanaya yerləşdirilsə də həyatını xilas etmək mümkün olmayıb.

Qeyd edək ki, mərhum “Tik-Tok” sosial şəbəkəsinin aktiv istifadəçilərindən olub. Yayılan videonu da bir neçə ay öncə şəxsi hesabında paylaşıb.

Nərmin