Atasına qulaq asmayan uşaq maşınla toqquşdu - ANBAAN VİDEO

Atasının sözünə əməl etmədi, ölümlə üz-üzə gəldi.

Avtosfer.az xəbər verir ki, olay Rusiyanın  Nijeqorod vilayətində baş verib. Müşahidə kameralarına düşən bədbəxt hadisə sosial şəbəkələrdə geniş yayılıb. Görüntüdən məlum olduğu kimi yolu keçməyə çalışan piyada əvvəlcə qızını kontrol edərək əlini ona verməsini bildirir. Daha sonra yola baxan ata bu müddətdə sözə qulaq asmayan qızının qaçdığını görür. Bu zaman sürətlə yolu keçməyə çalışan uşaq qarşıdan gələn “Mitsubishi” markalı avtomobilin hədəfinə tuş gəlir. Avtomobilə çırpılan qız qarlı yolda 6 metr məsafəyə qədər sürüşür. Maşın isə anlıq idarəsini saxlayır.

Qeyd edək ki, ağır xəsarətlər alan piyada xəstəxanaya yerləşdirilib. Avtomobilin sahibi ifadəsində uşağın yoluna qəfil çıxdığını və onu gördüyü zaman artıq qəzanın olduğunu bildirib. 

Nərmin Əkbər