Atyalında yük maşını 3 avtomobilə dəydi, biri marketə çırpıldı - VİDEO

Abşeron rayonu, Atyalı qəsəbəsində zəncirvari yol-nəqliyyat hadisəsi baş verib.

Baş Dövlət Yol Polisi İdarəsindən Avtosfer.az-ın sorğusuna cavab olaraq bildirilib ki, qəza Bakı-Şamaxı yolunun 18.3-cü kilometrliyində yanvarın 20-də saat 22:45 radələrdə qeyd alınıb: “Belə ki, Zaidov Qadir Vəlican oğlunun idarə etdiyi 01-CD-770 dövlət nömrə nişanlı “DAF” markalı yük avtomobili idarəetməni itirərək öncə yol kənarında park edilmiş 99-OG-980 dövlət nömrə nişanlı “Opel” markalı maşına, ardınca isə 99-QT-506 dövlət nömrə nişanlı “Ravon” markalı və 90-YK-749 dövlət nömrə nişanlı “Toyota” markalı nəqliyyat vasitələrinə dəyib. Zərbənin təsirindən “Toyota” markalı maşın ərazidə yerləşən “Rahat” supermarketə çırpılıb. 

Hadisə nəticəsində xəsarət alan olmasa da, avtomobillərə maddi ziyan dəyib”.

Faktla bağlı araşdırma aparılır. 

Nərmin