Aviaşou zamanı iki təyyarə toqquşub

“Bir təyyarə digərinə arxadan çırpılıb”.

İsveçrənin şimal-qərbində aviaşou zamanı iki təyyarə toqquşub.

Oxu.Az yerli 20 Minuten nəşrinə istinadən xəbər verir ki, hadisə Bazel-Land kantonasının Dittinqen kommunasında qeydə alınıb.

Nəşrin məlumatına əsasən, toqquşma təyyarələrin havada düzülməsi zamanı baş verib.

“Bir təyyarə digərinə arxadan çırpılıb, və hər ikisi qəzaya uğrayıb”, - nəşrin hadisə yerinə ezam olunmuş müxbiri deyib.

İlkin məlumata görə, təyyarələr anbara düşüblər. Pilotlardan biri katapult edə bilib. İkinci təyyarəinin pilotu barədə hələlik məlumat yoxdur.

Hadisə yerinə polis, yanğınsöndürənər və təcili tibbi yardımın əməkdaşları gəliblər.