Avtobus evə girdi: xəsarət alan var - FOTO

ABŞ-ın Nyu-York şəhərində avtobus yaşayış evinə çırpılıb. Avtosfer.az-ın anspress-ə istinadən məlumatına görə, ABŞ-ın Nyu-York şəhərində avtobusun yaşayış evinə çırpılması nəticəsində ən azı 12 nəfər xəsarət alıb. Yaralılar dərhal xəstəxanaya çatdırılıblar, onların vəziyyəti məlum deyil. Hadisə Kvins ərazisində baş verib. Avtobus üç mərtəbəli binaya çırpılaraq, binanın küncünü dağıdıb.

Avtobusun "Kazino dünyasının kurortları" şirkətinə aid olduğu deyilir.

Hadisə yerinə çox saylı xilasedicilər və yanğınsöndürənlər cəlb olunub.

Qəza avtobusun Reqo-Park ərazisində yerləşən evə çırpılması nəticəsində baş verib. Sonda üç mərtəbəli evin iki mərtəbəsinin kərpic fasadı dağıdılıb. Yanğınsöndürmə xidmətinin müdiri deyib ki, sürücünü avtomobildən xüsusi qurğu vasitəsi ilə çıxarıblar.

Məlumata görə, hadisəyə ilkin səbəb kimi avtobusun maşınla toqquşmadan qaçması göstərilir. Nəticədə sərnişin nəqliyyatı sağa dönüb, səkiyə çıxıb və idarə etməni itirərək, evə girib.