Avtobus qatarla toqquşdu; 8 ölü, 8 yaralı - FOTO

Nigeriyada avtobusun və qatarın iştirakı ilə ağır yol-nəqliyyat hadisəsi baş verib. Avtosfer.az xəbər verir ki, hadisə iyunun 27-də Niger ştatında qeydə alınıb. Bu barədə “Sinhua” agentliyi məlumat yayıb.

Məlumata görə, toqquşma nəticəsində 8 nəfər ölüb, daha 8-i isə xəsarət alıb.

Bildirilir ki, qəzaya yüksək sürət səbəb olub.

Digər təfərrüatlar barədə məlumat verilmir.

Hüquq-mühafizə orqanları tərəfindən araşdırmalara başlanılıb.

Namiq Musayev