Avtobus qəzası: 11 ölü, 7 yaralı - VİDEO

Rusiya bu səhəri dəhşətli qəza ilə açdı. Avtosfer.az-ın məlumatına görə, 9 iyul tarixində səhər saat 04.00 radələrində Krasnoyarskdan Tuva respublikasının paytaxtı Kızıla doğru hərəkət edən "Hyundai" avtobusu qarşı tərəfdən gələn "Mercedes Benz" mikroavtobusu ilə toqquşub. Faciəyə səbəb avtobusun qarşı xəttə çıxması olub.

Hüquq mühafizə orqanları yol nəqliyyat hadisəsi zamanı 11 nəfərin öldüyünü, 8 nəfərin isə xəsarət aldığını bildirir. Həmçinin bildirilir ki, avtobusda 26 sərnişin olub, onlardan 3-ü xəsarət alıb. Mikro avtobusdakıların isə 11-i ölüb, 6-ı xəsarətlə canlarını qurtara biliblər.

Xəstəxanadan verilən məlumata görə, 7 yaralı orta dərəcəli xəsarətlərlə ağır vəziyyətdə xəstəxanaya yerləşdirilib. Onlardan biri ambulator müalicəyə göndərilib.

Hazırda həlak olanların və xəsarət alanların şəxsiyyətlərinin müəyyənləşdirilir. Xəstəxanaya yerləşdirilənlər arasında 60 yaşlı qadın və 17 yaşlı yeniyetmə də var. 

Krasnoyar vilayətinin qubernatoru Viktor Tolokonski və Daxili İşlər Nazirliyinin vilayət üzrə rəisi Konstantin Yurinlə operativ iclas keçirib və xəsarət alanlara və həlak olmuşların doğmalarına yardım göstərilməsi üçün lazımi göstərişlər verib. Tolokonski iclasdan həmən sonra faciə yerinə yola düşüb.

Krasnoyarsk vilayəti administratorluğu mətbuat xidməti qubernatorun həlak olanların əzizlərinə dərin hüznlə başsağlığı verdiyini bildirir.