Avtobus “TIR”la toqquşdu, 16 yaşlı qızın ayağı qopdu - VİDEO

Dayanma-durmanın qadağan olduğu yolda saxlayan “TIR” ağır yol-nəqliyyat hadisəsinə səbəb olub. 
Avtosfer.az xəbər verir ki, sosial mediada səs-küy yaradan dəhşətli qəza Türkiyənin Kocaeli əyalətində qeydə alınıb. Görüntülərdən məlum olduğu kimi, 435 nömrəli avtobus “TIR”la toqquşub. Hadisə şahidlərinin məlumatına görə, qəzanın baş verməsinə səbəb “TIR”ın parklanma qadağan edilən yolda dayanması olub. Belə ki, yolu iflic vəziyyətinə salan “TIR” hərəkətdə olan avtobus sürücüsünün diqqətsizliyi ilə qəzanı qaçılmaz edib. Nəticədə yüklərlə dolu “TIR”a dəyən avtobusunun sağ yan tərəfi tamamilə sıradan çıxıb. Həmçinin avtobusdakı sərnişinlər müəyyən dərəcəli xəsarətlər alıb. Qəzanın ən acınacaqlı məqamı isə “TIR”ın qoşqusu ilə toqquşan avtobusun ön oturacağında əyləşən 16 yaşlı yeniyetmənin ayağının qopması olub. 
Qeyd edək ki, hadisə yerinə cəlb olunan xilasetmə qüvvələri sərnişinin ayağını sıxışan hissədən bütöv çıxara bilməyiblər.  

Nərmin