Avtobusla vurulan məktəbli oğlan öldü

Bakıda piyadanın ölümü ilə nəticələnən yol-nəqliyyat hadisəsi baş verib. Avtosfer.az xəbər verir ki, bu barədə Nəsimi Rayon Polis İdarəsindən apa-ya verilən məlumata görə, hadisə Azadlıq prospektində qeydə alınıb. Seymur Tariyel oğlu Atayevin idarə etdiyi 88 nömrəli xətt üzrə hərəkət edən sərnişin avtobusu 2002-ci il təvəllüdlü Murad Həsən oğlu Məmmədovu vurub.

M.Məmmədov ağır bədən xəsarətləri ilə xəstəxanaya yerləşdirilsə də, onun həyatını xilas etmək mümkün olmayıb.

Polisdən M.Məmmədovun 7-ci sinif şagirdi olduğu bildirilib.