Avtomobil kanala düşdü, sürücü boğulub öldü

Neftçala rayonunda avtomobil su kanalına düşüb. Fövqəladə Hallar Nazirliyindən (FHN) Avtosfer.az-a verilən məlumata görə, nazirliyin “112” qaynar telefon xəttinə Neftçala rayonunda su kanalına “VAZ” markalı minik avtomobilinin düşməsi və içərisində 1 nəfərin olduğu barədə məlumat daxil olub. Dərhal FHN-in Dövlət Sularda Xilasetmə Xidmətinin dalğıc-xilasetmə qüvvələri əraziyə cəlb olunub. Məlum olub ki, "VAZ" markalı minik avtomobilinin sürücüsü idarəetməni itirib və su kanalına düşüb. Xilasedicilər sürücünün meyitini sudan çıxarıb və aidiyyəti üzrə təhvil veriblər. Bundan əvvəl də Xaçmazda avtomobil su kanalına düşmüşdü. “VAZ” markalı minik avtomobilinin rayonun Qımılqışlaq kənd ərazisində su kanalına düşməsi nəticəsində sürücü ağır xəsarət almışdı.

Elmin