Avtomobil maşını, maşın da piyadanı vurdu - VİDEO

Ehtiyatlı davransa da, ölümün yaxasından qurtula bilmədi.
Avtosfer.az xəbər verir ki, sosial şəbəkələrdə qınaq obyektinə çevrilən hadisə Çinin Gansu əyalətində baş verib. Yolun müşahidə kameralarına əks olunan görüntüdən aydın olduğu kimi piyada keçidindən qarşı tərəfə keçmək istəyən şəxs son dərəcə diqqətlə olsa da, qəzadan yan keçə bilməyib. Belə ki, avtomobillərin hərəkətinə görə dayanan piyada arxadan gələn maşının qeyri-peşəkar şəkildə yolun sağ tərəfinə keçməsi nəticəsində yolunu azan avtomobilin qurbanına çevrilib. Arxa hissəsi əzilən qırmızı avtomobil dirəyə çıxaraq piyadanı yolun ortasına atıb. Üzü üstə yıxılan piyada xəstəxanaya çatdırılsa da həyatını qurtarmaq mümkün olmayıb.

Nərmin Əkbər