Azərbaycanda ağır yol qəzası: 5 ölü - 3-ü hərbçidir - FOTOLAR

Qax rayonu ərazisində ağır yol nəqliyyat hadisəsi baş verib. Avtosfer.az-ın "report"a istinadən xəbərinə görə, Qax-Şəki yolunun 1-ci kilometrliyində baş verən hadisə nəticəsində 5 nəfər ölüb. Şəkidən Qax istiqamətinə hərəkət edən 10-UX-515 dövlət nömrə nişanlı "Niva" markalı avtomobil qarşıdan gələn 99-BS-466 dövlət nömrə nişanlı "Mercedes" markalı avtomobillə toqquşub.

Hadisə nəticəsində "Mercedes"də olan sürücü və sərnişin hadisə yerində ölüb. "Niva" markalı avtomobildə olan və Sərhəd Qoşunlarının əməkdaşları olduğu güman edilən hərbçilər də dünyasını dəyişib. Hadisənin yüksək surət səbəbindən baş verdiyi guman edilir.

Qəza nəticəsində ölən beş nəfərin adları məlum olub:

 "Niva" markalı avtomobilin sürücüsü və sərnişinlər:

kiçik gizir - Abbasov Maarif Əlican oğlu

kiçik gizir - Niftiyev Əjdər Paşa oğlu

kiçik gizir - Şəmilli Anar İxtiyar oğlu

"Mercedes" markalı avtomobilin sürücüsü və sərnişin:

Məcidov Samir Teymur oğlu

Tosov Pərviz