Azərbaycanda bir həftədə 21 nəfər yol qəzalarında ölüb - RƏSMİ

Azərbaycanda martın 9-dan 17-dək qeydə alınan cinayətlərin və baş verən yol qəzalarının statistikası açıqlanıb. 

Daxili İşlər Nazirliyindən Avtosfer.az-a verilən məlumata görə, həmin müddət ərzində baş verən cinayətlərdən 441-nin üstü “isti izlər”lə açılıb. 

Axtarışda olduğuna görə ümumilikdə 506 nəfər, o cümlədən borclu şəxs qismində axtarışda olan 353 nəfər saxlanılaraq aidiyyəti üzrə təhvil verilib.

Respublikanın avtomobil yollarında 14 yol-nəqliyyat hadisəsi baş verib ki, nəticədə 21 nəfər ölüb, 9 nəfər xəsarət alıb.

Əməliyyat-axtarış tədbirləri nəticəsində narkotiklərlə əlaqəli 191 fakt müəyyən edilib.