Bakı-Quba yolunda 2 yük maşını toqquşdu, ölən və xəsarət alanlar var - VİDEO - YENİLƏNİB

Sentyabrın 29-da Bakı-Quba-Rusiya sərhədi yolunun 105-ci km-də, Siyəzən rayonu ərazisindən keçən hissəsində TIR ilə "Ford Transit" markalı yük avtomobilinin toqquşduğu hadisənin görüntüləri yayılıb.

Hadisə yerindən çəkilmiş görüntülər qəzanın dəhşətini göstərir.

Belə ki, zərbənin gücündən TIR aşaraq bir neçə yerə parçalanıb.

Hadisə nəticəsində Ağsu rayon sakini, 1990-cı il təvəllüdlü Cavid Əhdixan oğlu Elşənov hadisə yerində ölüb, sərnişinlər - 1990-cı il təvəllüdlü Məhəbbət Əlikişi oğlu Kərimov və 2006-cı il təvəllüdlü Hüseyn İsgəndərov müxtəlif dərəcəli xəsarətlər alıblar.

Faktla bağlı araşdırma aparılır. (qafqazinfo)

***

Bakı-Quba yolunda ölümlə nəticələnən yol-nəqliyyat hadisəsi baş verib.

Hadisə magistralın Siyəzən rayonu ərazisində qeydə alınıb. Əks istiqamətə çıxan 2 yük avtomobili toqquşub. Qəza nəticəsində bir nəfər ölüb, iki nəfər xəsarət alıb.

Faktla bağlı araşdırmalar davam etdirilir.