Bakı-Quba yolunda dəhşətli qəza

Fövqəladə Hallar Nazirliyinin “112” qaynar telefon xəttinə daxil olmuş məlumata əsasən, Bakı-Quba yolunun 30-cu kilometrliyində ağır yol qəzası baş verib. Avtosfer.az xəbər verir ki, bu barədə Fövqəladə Hallar Nazirliyini Xüsusi Xilasetmə Xidmətindən anspress-ə verilən məlumata görə, bu barədə bu gün saat 06 radələrində 112 saylı "qaynar xətt”ə bildirilib.

Məlumat daxil olan kimi hadisə yerinə xilasedicilər cəlb olunublar. Məlum olub ki, həmin ərazidə "Mercedes" markalı minik avtomobili ilə "Shacman" markalı yük avtomobili toqquşub.

Qəza nəticəsində "Mercedes" markalı minik avtomobilinin sürücüsü aldığı ağır bədən xəsarətlərindən hadisə yerində ölüb.

Xilasedicilər deformasiyaya uğramış avtomobildən sıxılmış vəziyyətdə qalmış meyidi çıxarıblar. Meyit aidiyyətı üzrə təhvil verilib.

Əməliyyat saat 06:30-da başa çatıb.