Bakı-Quba yolunda gecə dəhşəti: ölən var - FOTO

Bakı-Quba-Rusiya yolunda ölümlə nəticələnən ağır yol qəzası baş verib. Baş Dövlət Yol Polisi İdarəsinin İstintaq və Təhqiqat İdarəsinin müstəntiqi Elşən Mürsəliyevin anspress-ə verdiyi məlumata görə, hadisə bu gecə yolun 116-cı km-də, Şabran rayonu ərazisində qeydə alınıb. Rayon ərazisində sürətlə hərəkət edən “Tofaş” markalı, 10 NK 697 nömrə nişanlı avtomobil aşıb. Nəticədə avtomobil əzilib və sürücü sıxılmış vəziyyətdə sükan arxasında qalaraq ölüb. Hadisə yerinə hüquq-mühafizə orqanlarının əməkdaşları cəlb olunub. Araşdırmalar zamanı dünyasını dəyişən sürücünün 1983-cü il təvəllüdlü Xalid Səməd oğlu Bünyadovdur. İlkin ehtimla görə, yoldə təmir işləri aparıldığı üçün sürücü yol nişanlarını görməyib. Maşının sürəti çox olduğu üçün onu saxlaya bilməyib. Nəticədə qəza baş verib.

Faktla bağlı araşdırma aparılır.