Bakı-Quba yolunda qəza: ölən və xəsarət alan var

Ötən gün Bakı-Quba Rusiya Federasiyası dövlət sərhədi yolunda ölümlə nəticələnən yol qəzası qeydə alınıb.

Avtosfer.az apa-ya istinadən xəbər verir ki, hadisə magistralın Siyəzən rayonu ərazisindən keçən hissəsində baş verib. Bakı istiqamətində hərəkətdə olan, 42 yaşlı Etibar Şahməmmədovun idarə etdiyi 41 BD 729 dövlət nömrə nişanlı, "Mitsubishi" markalı avtomobil idarəetmədən çıxaraq yol kənarına aşıb.

Nəticədə sürücü hadisə yerindəcə dünyasını dəyişib. Avtomobildə olan digər sərnişin, 14 yaşlı Haldun Şahməmmədov Siyəzən Regional Müalicə Diaqnostika Mərkəzinə yerləşdirilib. Ona sağ göz qapağının sıyrıntısı diaqnozu qoyulub.

Faktla bağlı Baş Dövlət Yol Polis İdarəsinin istintaq və təhqiqat bölməsində  araşdırmalar davam etdirilir.