Bakı sakini qəza törətdi:maşın külə döndü

Göyçay rayonunda minik avtomobili yanaraq yararsız hala düşüb.

Avtosfer.az eltv-yə istinadən xəbər verir ki, hadisə Bakı-Şamaxı-Yevlax avtomobil yolunun 228-ci kilometrliyində, Göyçayın Mirzəhüseynli kəndi ərazisində qeydə alınıb. Bakı şəhər sakini, 1958-ci il təvəllüdlü Üzeyir Yusifovun idarə etdiyi "Nissan Murano" markalı minik avtomobili yoldan çıxaraq kənardakı dəmir məhəccərlərə çırpılıb.

Avtomobilin mühərrikində qəflətən başlayan yanğın qısa vaxtda onun hər tərəfini əhatə edib. Hadisə yerinə Fövqəladə Hallar Nazirliyinin Göyçay Dövlət Yanğından Mühafizə Hissəsinin iki avtomobili və canlı qüvvəsi cəlb olunub.

Yanğın zamanı xəsarət alan olmasa da, avtomobil tamamilə yararsız hala düşüb. Hadisənin hansı səbəbdən baş verdiyi məlum deyil. Faktla bağlı araşdırma aparılır.