Bakı-Şamaxı yolunda qəza: “Mitsubishi” maneəyə çırpılıb aşdı - VİDEO

Bakı-Şamaxı yolunda yol-nəqliyyat hadisəsi qeydə alınıb.

Avtosfer.az-ın məlumatına görə, qəza yanvarın 22-də səhər saatlarında baş verib. Belə ki, hərəkətdə olan 90-VF-313 dövlət nömrə nişanlı “Mitsubishi” markalı avtomobilin sürücüsü qəza törədib. Şahidlərin iddiasına əsasən, qəzaya səbəb yüksək sürət həddi olub. Nəticədə idarəetmədən çıxan maşın arakəsməyə çırpılaraq aşıb. Hadisə zamanı avtomobilə ciddi maddi ziyan dəyib. Xoşbəxtlikdən xəsarət alan olmayıb. Qəzalı maşın yaxınlıqda olan və ərazidən keçən vətəndaşların köməyi ilə əvvəlki vəziyyətinə qaytarılıb. 

Qeyd edək ki, faktla bağlı araşdırma aparılır. 

Nərmin