Bakıda ağır qəza: 1 ölü, 2 yaralı

Bakının Binəqədi rayonunda ağır yol nəqliyyat hadisəsi baş verib. Avtosfer.az teleqraf-a istinadən xəbər verir ki, hadisə rayonun Binəqədi qəsəbəsində qeydə alınıb. Bakı şəhər sakini Mətləb Məliklinin idarə etdiyi “Mitsubishi L-200” markalı pikapla Sumqayıt şəhər sakini Abil Abbasovun idarə etdiyi “Ford Garqo” markalı yük avtomobili toqquşub.

Nəticədə M.Məlikli hadisə yerində ölüb, 2 sərnişininə xəstəxanada ilkin tibbi yardım göstərildikdən sonra buraxılıblar.

Faktla bağlı araşdırma aparılır.