Bakıda yol-nəqliyyat hadisəsi baş verib. Report-un xəbərinə görə, hadisə bayram tətili günlərində paytaxtın Azneft dairəsindən Bayıla gedərkən Əl Oyunları İdman Sarayının qarşısında qeydə alınıb. Belə ki, gecə saatlarında yüksək sürətlə hərəkət edən avtomobil təhlükəsizlik adacığına daxil olub, sonra isə qarşıda gedən maşına çırpılıb. Nəticədə zərbənin təsirindən hər iki avtomomobil əks istiqamətə çıxaraq dayanıb. 

Qəza anı həmin yolda hərəkətdə olan digər avtomobildə quraşdırılmış videoregistrator vasitəsilə qeydə alınıb.