Bakıda ara məsafəsi saxlamayan sürücü qəzaya düşdü - VİDEO

Yollarda qəzaların baş vermə səbəblərindən biri də sürücülərin ara məsafəsini düzgün seçməməsidir. Avtosfer.az xəbər verir ki, bu qaydanı pozan sürüclərdən bir neçəsinin videosu avtomobildəki kameraya düşüb. Belə ki, Ziya Bünyadov prospektində ara məsafəsini düzgün seçməyən “Mercedes” markalı avtomobilin sürücüsü əyləcdən istifadə etsə də qəza qaçılmaz olub.

Bir az qarşıda eyni hərəkəti təkrarlayan “Tofaş” markalı avtomobilin sürücüsü qəzadan son anda yayına bilib.

Qeyd edək ki, ara məsafəsinin düzgün seçilməməsi əsasən yüksək sürətli yollarda ağır qəzalara gətirib çıxara bilir. Sürücülərin əksəriyyəti də bu qaydanın tələbini məhz sürətli yollarda pozurlar. Sürücülər seçdikləri sürətin yarısı qədər qarşıdakı avtomobillə ara məsafəsi saxlamalıdır ki, təhlükə yarandığı halda rahat dayana bilsinlər. Lakin reallıq onu göstərir ki, əksər sürücü bunu bilmir və ya əməl etmir. 90 km/saat sürətlə hərəkət edən sürücü qarşısındakı avtomobillə 3-4 metr məsafə saxlayır. Belə olan halda isə qəza qaçılmaz olur.

Leyla