Bakıda avtomobil yolu keçən piyadanı vuraraq öldürdü - FOTO

Bakının Nəsimi rayonunda piyadanın ölümü ilə nəticələnən yol-nəqliyyat hadisəsi baş verib.

Qəza 28 May küçəsi ilə Kövkəb Səfərəliyeva küçəsinin kəsişməsində qeydə alınıb.

Belə ki, idarəetməni itirən “Mercedes” markalı minik avtomobilinin sürücüsü yolu keçən 30-35 yaşlarında olan kişini vurub.

Piyada aldığı xəsarətlərdən hadisə yerində həyatını itirib.

Əraziyə polis əməkdaşları cəlb edilib.

Ölən piyadanın şəxsiyyəti dəqiqləşdirilir.

Hadisənin təfərrüatı araşdırılır. (apa)