Bakıda bahalı qəza: Avtomobildə heroin aşkar edildi – FOTO

Heydər Əliyev prospektində üç avtomobilin toqquşması ilə nəticələnən qəza baş verib. Avtosfer.az xəbər verir ki, aznews-a daxil olan məlumata görə, hadisə bu gün səhər saatlarında Bakı Olimpiya Stadionunun yanında baş verib. 

Məlumata görə, qəza zamanı “Nissan Tiana” markalı 99 EP 109 dövlət nömrə nişanlı avtomobil BMW markalı 90 MX 999 nömrə nişanlı avtomobillə toqquşub. Nəticədə magistral yolla gedən digər avtomobilə də zərər dəyib. 

Bu faktı Xəzər Rayon Polis Şöbəsi təsdiq edib. 

Bildirilib ki, qəzaya səbəb kimi sürücünün sərxoş olması göstərilir.

Məlumata görə, qəza törədən avtomobildən heroin aşkar edilib.