Bakıda dəhşət: gəlin toy günü qəzada öldü - FOTO

Ötən gün Bakının Pirallahı rayonu ərazisində ölümlə nəticələnən ağır yol qəzası baş verib. Avtosfer.az-ın anspress-ə istinadən məlumatına görə, Zirə qəsəbəsində, Artiom ərazisində 1990-cı il təvəllüdlü Sail Yadulla oğlu Bədərlinin idarə etdiyi "Hyundai" markalı avtomobillər "VAZ" markalı maşın toqquşub. Qəza zamanı zərbənin təsirində "Hyundai" markalı maşın aşıb. Nəticədə avtomobildə olan sürücü və onun həyat yoldaşı 1993-cü il təvəllüdlü Rüfanə Nüsrət qızı Bədərli ağır yaralanıb. Maşında gəlin paltarında olan 1990-cı il təvəllüdlü Vəsilə Qasım qızı Qurbanova hadisə yerində dünyasını dəyişib. Araşdırmalar zamanı məlum olub ki, Vəsilə Qurbanovanın toyu olmalı idi. O, səhər gözəllik salonuna gedib və bəzənib. Bəy qohumunu və onun həyat yoldaşını gəlini gözəllik salonundan gətirmək üçün göndərib. Qəza da onlar salondan qayıdarkən baş verib.

Faktla bağlı Pirallahı rayon Polis İdarəsində araşdırma aparılır.