Bakıda dəhşətli qəza - Ata qana boyandı - FOTO

Bakının Sabunçu rayonunda ağır yol qəzası baş verib. Avtosfer.az milli.az-a istinadən xəbər verir ki, hadisə Komsomol dairəsinin yaxınlığında qeydə alınıb. Qəza zamanı ata ilə oğul yaralanıb.

Sözügedən ərazidə “Opel” markalı avtomobillə "Daewoo" markalı maşın toqquşub. Hadisəyə səbəb kimi "Daewoo"nun sürücüsünün qayda pozuntusu göstərilir. Belə ki, sürücü yol üstünlüyünü nəzərə almayaraq dairəyə girən "Opel"in qarşısına çıxıb. Zərbənin təsirindən "Daewoo" yoldan çıxaraq yolun kənarındakı ağaclığa girib. Hadisə yerinə təcili yardım gəlib.