Bakıda dəhşətli qəza – FOTO

Bu gün səhər saatlarında Bakının Atatürk prospektində ağır yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, Bakı 2015 I Avropa Oyunları üçün xüsusi olaraq çəkilmiş “Oyunlar zolağına” eyni vaxtda daxil olmağa çalışan iki avtomobil toqquşub və çevrilib. Qeyd edək ki, I Avropa Oyunları ilə əlaqədar nəqliyyatın hərəkəti üçün nəzərdə tutulan xüsusi zolaqların tələblərini pozan sürücülər müşahidə kameraları ilə qeydə alınacaq və onların cərimələnmələri barədə müvafiq protokol qeydiyyat ünvanlarına göndəriləcək.

Qaydanı pozanlar İnzibati Xətalar Məcəlləsinin (İXM) 151.1-ci maddəsinə müvafiq olaraq yol nişanlarının və ya yolların hərəkət hissəsinin işarələrinin tələblərinə riayət edilməməsinə görə 40 manat miqdarında cərimə olunacaqlar.