Bakıda dəhşətli qəza: hamilə qadın həlak oldu

Bakının Xətai rayonunda ağır yol-nəqliyyat hadisəsi baş verib.

Avtosfer.az xəbər verir ki, hadisə 8 Noyabr prospektində qeydə alınıb.

2001-ci il təvəllüdlü Güllü Mehdiyeva yolu keçərkən onu “Toyota Prius” markalı avtomobil vurub.

Qadın ağır vəziyyətdə xəstəxanaya çatdırılıb. Əməliyyat zamanı qadının bətnindəki uşağın öldüyü aşkarlanıb.

Güllü Mehdiyevanın da həyatını xilas etmək mümkün olmayıb. O, aldığı xəsarətlərdən xəstəxanada dünyasını dəyişib. (apa)