Bakıda Gürcüstan vətəndaşı avtomobillə qadını vuraraq öldürüb

Bakıda Gürcüstan vətəndaşı avtomobillə qadını vuraraq öldürüb.

Avtosfer.az-ın əldə etdiyi məlumata görə, hadisə yanvarın 11-də paytaxtın Xəzər rayonu ərazisində qeydə alınıb.

Belə ki, Gürcüstan vətəndaşı Renat Nəbiyev idarə etdiyi avtomobillə yolu keçmək istəyən piyada, 1962-ci il təvəllüdlü Radə Qəhrəmanovanı vurub. Nəticədə qadın hadisə yerində ölüb.

Faktla bağlı Xəzər Rayon Polis İdarəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi açılıb, istintaq aparılır.

“Report”