Bakıda iki avtomobil toqquşdu, “Nissan” işıq dirəyinə çırpıldı - FOTO

Bakının Nizami rayonunda yol qəzası baş verib.

Hadisə Rüstəm Rüstəmov küçəsində qeydə alınıb.

Belə ki, “Mercedes” markalı maşının sürücüsü dairədə hərəkətdə olan zaman qəfil eyni istiqamətə daxil olan “Nisan” markalı maşına çırpılıb. Zərbənin gücündən “Nissan” yol kənarında işıq dirəyinə çırpılaraq dayanıb. Qəza zamanı bir nəfər xəsarət alıb.

Əraziyə Nizami Rayon Polis İdarəsinin əməkdaşları cəlb edilib. Sürücülərin izahatı alınıb. Qəzada iştirak etmiş maşınlar cərimə meydançasına yerləşdirilib.

Hadisənin dəqiq səbəbləri araşdırılır. (apa)