Bakıda iki avtomobil toqquşdu, xəsarət alan var

Bakıda azyaşlının xəsarət alması ilə nəticələnən yol qəzası baş verib. "Report"un məlumatına görə, hadisə Nərimanov rayonunda qeydə alınıb.

İki avtomobilin toqquşması zamanı nəqliyyat vasitələrindən birində olan 2017-ci il təvəllüdlü Məmmədov Hidayət Vəli oğlu müxtəlif bədən xəsarətləri alıb.

Yaralı təcili yardımın köməyi ilə 3 saylı şəhər Kliniki Xəstəxanasına çatdırılıb.

Faktla bağlı araşdırma aparılır.