Bakıda iki avtomobil toqquşub: 11 nəfər xəsarət alıb

Azərbaycan paytaxtında yol-nəqliyyat hadisəsi baş verib. Avtosfer.az apa-ya istinadən xəbər verir ki, hadisə ötən gecə Nəsimi rayonu, S. Adil küçəsi 3 ünvanında qeydə alınıb. Beyləqan rayon sakini, 1984-cü il təvəllüdlü Elvin Lətifovun idarə etdiyi "Mercedes-Vito" markalı, 99 DN 130 dövlət nömrə nişanlı avtomobil Bakı şəhər sakini, 1987-ci il təvəllüdlü Tahir Fərəcovun idarə etdiyi "Daewoo" markalı, 90 TN 768 dövlət nömrə nişanlı maşınla toqquşub.

Nəticədə hər iki sürücü və sərnişinləri - Təranə Hənifəyeva, Gülnaz Mikayılova, İlkin Əhmədov, Ramin Rüstəmov, Vaqif Tağıyev, Aynur Zeynalova, İlkin Şərifov, Xəyal Şovziyev və Şabran rayon sakini Samir Məmmədov xəsarət alıblar.

Faktla bağlı araşdırma aparılır.