Bakıda iki avtomobilin toqquşması nəticəsində bir nəfər xəsarət alıb - FOTO

Bakının Yasamal rayonunda yol-nəqliyyat hadisəsi baş verib.

Avtosfer.az xəbər verir ki, hadisə Abbas Mirzə Şərifzadə və Məhəmməd Xiyabani küçələrinin kəsişməsində qeydə alınıb.

Belə ki, işıqforla tənzimlənən yolda "Toyota Prius" və "Mercedes" markalı avtomobilləri toqquşub.

Əraziyə Yasamal Rayon Polis İdarəsinin əməkdaşları cəlb edilib.

Avtomobillər ərazidən uzaqlaşdırılıb. Bir nəfər yüngül xəsarət alıb.

Hadisənin təfərrüatı araşdırılır.

apa