Bakıda iki “Toyota” toqquşdu: xəsarət alan var - FOTO

Bakının Səbail rayonunda yol qəzası zamanı bir nəfər xəsarət alıb.

Avtoqəza Badamdar qəsəbəsində yerləşən "Qurd qapısı" dairəsi kimi tanınan ərazidə baş verib.

Belə ki, dördyol ayırıcında iki “Toyota” markalı avtomobilin toqquşması zamanı sərnişin xəsarət alıb.

Sürücülər bir-birini işıqforun qırmızı işığından keçməsində günahlandırıb.

Qəza nəticəsində avtomobillərdən biri yararsız hala düşüb.

Hadisənin səbəbi aparılan araşdırmadan sonra bilinəcək.

Faktı Səbail Rayon Polis İdarəsinin əməkdaşları araşdırır. (APA)