Bakıda İran vətəndaşı yol qəzasında xəsarət aldı

Bakının Sabunçu rayonunda yol-nəqliyyat hadisəsi baş verib. Avtosfer.az teleqraf-a istinadən xəbər verir ki, hadisə Məhəmmədi qəsəbəsində qeydə alınıb. İran İslam Respublikasının vətəndaşı, 1970-ci il təvəllüdlü Yaqub Məhəmməd oğlu Pakfərid idarə etdiyi “VAZ-2106” markalı avtomobillə Laçın rayon sakini, 1984-cü il təvəllüdlü Aftandil Famil oğlu İsmayılovun sürdüyü “VAZ-21012” markalı avtomobil toqquşub. Nəticədə Yaqub Fakfərid xəsarət alaraq 3 saylı Şəhər Kliniki Xəstəxanasına yerləşdirilib. Ona tibbi yardım göstərilib. 

Faktla bağlı Sabunçu Rayon Polis İdarəsinin 15-ci polis bölməsində araşdırma aparılır.