Bakıda məhkəmə əməkdaşının avtomobilini vurdular - FOTO

İyulun 27-i paytaxtın Səbail rayonunda yol nəqliyyat hadisəsi baş verib. Belə ki, qəzaya düşmüş 90-GD-044 qeydiyyat nişanlı "Toyota Prado" markalı avtomobilin sürücüsü Avtosfer.az-a açıqlamasında bildirib ki, qarşısına çıxan "Vaz 2107" markalı avtomobil onu çaşdırıb. Sürücü idarəetməni itirərək Səbail Rayon Məhkəməsinin qarşısında dayanmış 99-RN-002 qeydiyyat nişanlı "İnfiniti" markalı avtomobillə toqquşub. Nəticədə "Toyota"nın ön hissəsi, "İnfiniti"nin isə arxa hissəsi əzilərək xeyli miqdarda ziyan dəyib.

Hadisə yerinə gələn Səbail rayon DYP idarəsinin əməkdaşlarının ilkin araşdırmaları zamanı məlum olmuş ki, "Toyota" markalı avtomobilin sürücüsü yolayrıcının keçmə qaydalarını pozaraq qəzaya səbəb olub.

Qeyd edək ki, "İnfiniti" markalı avtomobil Səbail Rayon Məhkəməsinin xanım əməkdaşına məxsusdur.

Təbriz