Bakıda motosikletlə avtomobil toqquşdu, xəsarət alan var

Bakıda xəsarətlə nəticələnən yol-nəqliyyat hadisəsi baş verib.

"Report"un məlumatına görə, hadisə Binəqədi rayonunda qeydə alınıb.
Akademik Zərifə Əliyeva adına Milli Oftalmologiya Mərkəzinin yaxınlığında avtomobillə motosiklet toqquşub. Qəza nəticəsində motosikletin sürücüsü, 1994-cü il təvəllüdlü Həsənli İsmayıl Səfər oğlu xəsarət alıb.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona müştərək travma diaqnozu qoyulub.